حالك ضايع ... إسراء إبراهيم .. مسابقة الشعر

ليه بتبكي وتدمعي؟
ما خلاص مبقاش ف إيدينا حاجة
كنتي زهرة بتحلمي
والكل شايفك دلوقتي حالة
مين هيدافع عنك مين؟!
غير أولادك المساكين
حبة رمل بان ف ترابك
مليان دم الفدائيين
جه عدو خسيس عليكي
حب يدمر حتة فيكي
جهز مدافع وكمان بنادق
قال إيه كدا دا بيحميكي
يا قدس يا مدينة الأقصى
انتي حرة بس عدوك بينسى
وياما أبطال ماتوا عشانك
وقلوب أهاليهم بتقسى
كم من القصائد اتكتب لك
وبرضو لسه حالك ضايع
بنبكي ع الشهداء اللي منك
بس والله ما حد فينا بايع