مولد النبي
1هل ربيع وأنوار محمد هلت معاه
والايمان طريق اللي ضل واللي تاه
واللي تقواه في قلبه والسماح جواه
نال رحيق الهنا والسعد والكل هناه
2
رجيتك و استرجيتك يا بن عبد الله
تكون شفيعنا يوم القيامة عند الاله
ودعيت في خلواتي وفي كل صلاه
ما تسيبنا نضل أو نضيع في فلاه
3
محمد قلبه طاهر ونظيف
يحب أصحابه لأنه أليف
ما كان فظا غليظا أو كان عنيف
لأن فؤاده زكي ومنبته شريف
4
اختلفوا لكن لما المولى أراد
اتلم الشمل والفرح اهو عاد
واللي كانوا متخاصمين وبعاد
في لحظة اجتمعوا بنات وولاد
في حب المصطفى
خير الوري وخير هاد
5
مولدك مش سمسمية وحمصية
شريعتك فروض انكتبت عليا
بحرص عليها وامسكها فأديا
عشان أبقى في ديني مية مية
6
يا نبي الرحمة اشتقنا لك
قلوبنا وجوانحنا داعية لك
روحنا بالتقى هايمة لك
واللقا على طيف جمال لك
7
سيرتك حلوة دايما على كل لسان
لما بسمعها ولا بقراها بكون فرحان
هي بلسم يشفي من الأوجاع الوان
وفيها حكم وعبر لبني البشر والجان
8
أقول ايه يا نبي ع اللي جرا لي
لما شفتك في المنام وارتاح بالي
بدر منور ما رأيت زيه في خيالي
ولما نورك بالجلال عم اهتدى حالي
9
خلقك يا أعظم نبي كان القرآن
وسعيك في الكون كان للعمران
لا كان همك المال أو السلطان
مناك أمتك تنول رضى الرحمن
10
لما شكيت لربك فعل ثقيف
وانفض من حولك كل لفيف
والجو بعد فقد الأحبة مخيف
أسرى بك وأعرج ربك اللطيف
11
محمد نبينا هو النبي المختار
اللي وصانا على سابع جار
آخى بين المهاجرين والأنصار
جمعنا وكان هدفه نكون أخيار
12
في يوم مولدك يا أعظم نبي تكتر البركات
والمتخاصمين يلاقوا بعض بحب وسلامات
فرحانين سعداء متناسين أمر كل اللي فات
حبك يا نبي أكبر في قلوبنا من كل الازمات
مولد النبي
أحمد أبو سيد طه
ليست هناك تعليقات:
إرسال تعليق