خيال حب
كتب محمد عمر محمد
قلبى ليك اطمن
وعشقى ليك صمم
ان حبنا مينتهيش
روحى تاهت بيك
شوفتى نفسى فيك
بس انتى متبعديش
افتكرت ان حبنا
مبنى على الاخلاص
طلع حبك جمبنا
ملهوش اى اساس
سيبتينى اعشق انا نار حبك
مكنتش فاكر انى هتخدع من قلبك
ندمت بعد ماشربت من كاس جرحك
فات الاوان يوم ماتبدلت ملامحك
بعد ماغنيت باسمك موواييل
والقلب كان يوم ليك بيميل
اخسر طريقه ومبقاش ليه سبيل
قلبى سابنى و راح بعيد
يشوف جرحه الجديد
بس كل مرة يشوفه
تبدأ الذكريات تعيد
بعد مافارقتنى ونسيت
بقيت بعيش كل لحظة فى ألم
بعد ماكنت من قلبى حبيت
اصبح الاقى حلمى ندم
لو افتكرت ان حياتى بعدك عذاب
خلاص نسيت سنين الغياب
لو لسه فاكرنى بحبك
يبقى قلبك بيكدب عليك
لو لسه شايفى فاكرك
اطمن قلبى نسيك
كنت فاكر انى عايش معاك حلم
طلع الحب خدعة والحلم كان وهم
انت اللى اخترت الفراق
وقلبى عمرى ماختروش
انت اللى كان حبك رياء
ده اصلك متنسهوش
اللى بينا ماضى وكان
لان فى لحظة كرهك بان
افتكر ان قلبك هو اللى خان
ماهو الخداع فى دمك من زمان
كل الحقيقة بقت خيال
وصبح حبى ليك محال
هو ده الحب من حال الى حال
لكن العين بعد فراقك دمعت
كنت دايب فى هواك
لكن الغدر والخيانة فيك اتجمعت
سلام على كل قلوب اتجرحت
ماهو روحى بعدك ودعت
بقلم /محمد عمر محمد
ليست هناك تعليقات:
إرسال تعليق