أياا درويش
يا شايل همي في القلب
اللي سارح ...عيش
ده جوة القلب كان شارح
غرام وحنان
وكدب مفيش
أياا فنان
وداير طيف مابين الرمش
والأجفان.
ونبض وريدي يحكيلك
عن الاحزان
عيوني كلها شطآن
وملح الأرض يبنيلك
مع الأصداف
في قلبي بيت من
الفضة
وتاخد عمري واتوضي
ف نني عنيك.
وانسي وبس اكون فاكرة
ف قلبك اصلي والعنوان
أياا محبوب
أكيد فيه يوم راح احكيلك
عن اللي حصلي في الدنيا
وعن أحلام كانت فانيه
لكنها باقيه جوايا
بتغزل توب من النسيان
هالة المهدي
ليست هناك تعليقات:
إرسال تعليق