فيلم ريما
صراع الحب والكراهيه بين التنبؤ والقدر
كتب : كريم المصرى
فيلم ريما هو من الافلام المركبه اللي بتحمل التشويق والاثاره وده النوع اللي للاسف المشاهد بيبقي عنده حاله تخوف من الاقدام عليه وده يرجع لتجارب كتير سابقه كانت دون المستوى لكن فيلم ريما مختلف جدا من الوهله الاولي لمشاهده تريلر الفيلم هيجيلك حاله من الاستفزاز لمشاهده الفيلم
احمد انور كاتب الفيلم نجح في خلق حاله من الصراع بين الحب والكراهيه بناءا علي رؤيه طفله بتملك حاسه تنبؤ الاحداث وتشابك الاحداث وتسارعها بناءا علي التنبؤ تخلله مشاهد فيها معاني ورسايل حقيقيه
معتز حسام مخرج العمل نجح في ترجمه الورق وبروزته باقتدار شديد وتميز في اختيار الزوايا والكدرات ووضع لمسه خاصه بيه طول الوقت بتحس بيه واستخدم المؤاثرات الصوتيه بدون مبالغه وده اضاف للفيلم لمسات فنيه ممتازه
محمد ثروت مفاجاه الفيلم عمل دور مركب وجديد عليه لكنه نجح فيه جدا ونجح في انه يقدم نفسه في منطقه جديده وبشكل مميز
إيهاب فهمي مش بس اكتفي بموهبته وخبرته الكبيره لا اضاف لمسات جديده عليه ونجح في توظيفها بشكل مذهل
هاله فاخر عملت الدور بعبقريه كبيره واستخدمت خبره السنين فكانت مشاهدها تابلوه وتحفه فنيه حقيقيه
ريم عبد القادر موهبه كبيره جدا والمخرج نجح في استخراج ده منها بشكل مميز واتمني الاهتمام بيها لانها موهبه تستحق
في النهايه الفيلم نجح في كسر قاعده النوع ده من الافلام في مصر وصناع العمل قدموا لينا عمل فني ابداعي بحرافيه شديده واخرجوا لينا عمل مميز جدا
ليست هناك تعليقات:
إرسال تعليق