كان بينى وبينه ألفة
كان بينى وبينه عهد ويمين
الهوى اللى ف بال ( نادية الجندى ) سرح
ف ( الباطنية ) و ( وكالة البلح )
كان بنا صحبة حلوة
كان بنا عشرة سنين
( الرصاصة لا تزال فى جيبى )
لسه ف عينى ، لسه ف قلبى
( نجلاء فتحى ) ف ( الشريدة )
والدنيا اللى هتفضل بعيدة ووحيدة
وعمرها من غيرك ما هتبقى سعيدة
أنا أسفة ، أنا الندمانة ومعترفة
كدبت عليك أنا اللى زرعت الشوك
والشوك عمره ما كان يرضيك
أنت الحبيب اللى بهواك ساحب
آويت بعطفك جوع ( أفواه وأرانب )
من نيلها ، من تاريخها شارب
لتنهيداتها و لأهلها ولدلعها عليك حابب
لوجعها ولبؤسها كنت مرافق ومصاحب
كتمت حبك ف ليل كتمان
صحيت ف قلبى نيران عصيان
لا عمر فرقنا زمان ولا مكان
أنت ( العمر لحظة ) بحس فيها بالأمان
مهما ياخدك الفراق بعيد عن عينى
هتفضل ف قلبى ( جدو حبيبى )
م الطيبين م المخلصين
حافظ السر الأمين
عمر غالى وعزيز محمود
أطيب وأحن ذكر ياسين
#سمر_إسماعيل
#عشق_لا_ينتهى
ليست هناك تعليقات:
إرسال تعليق