{ كلمة بحبك }
الحب مش كلمة { بحبك }
الحب كلمة { هبقى جمبك }
أمك ، أختك ، حبيبتك
مراتك ، صحبتك وبنتك
لبسك ، حضنك وسكنك
بيتك ، فرحك وإبتسامتك
الحب رقة قلبك ومشاعرك
الحب إحساسى اللى شاعرك
100 مليون حاجة
جوايا بتحكيلى عنك
لما بطبق أيدى ع رمشك
وألقينى بسرح بالساعات
ويا صورك وويا سيرتك
الحب عشق
مينفعش يبقى الا عشقك
جنات الخُلد شيفاها ف شفايفك
قلب عارفك وحافظك وشايفك
الحب أقوى
من إحتياجك وإحتياجى
الحب طيفك اللى
سهران جمبى وبيناجى
الحب لما تزعلنى وأمشى
وتندهلى تلقينى باجى
الحب كونك
هتبقى سيدى وتاجى
دفئك ، لبسك ، وسترك
شكلك ، برفانك وتسريحتك
إنتمائك وإخلاصك لوطنك
إحيائك لذكرى والدك
لما أبقى سيفك وغمدك
لما أبقى فرسك ودرعك
لما أبقى سلامك وحربك
كلام حتى الكلام
كلام كتير هتحس فيه
بحبى أكتر وأكبر
زى كلمة
ربى ما يحرمنى منك
كلمة { بحبك }
من أربع حروف
زيها زى أسمك
بس لما أبقى جمبك
كل شبر فيا هيقولك
100 مليون بحبك
#سمر_إسماعيل
#عندما_تعشق_الكلمات
ليست هناك تعليقات:
إرسال تعليق