ليه اليتيم ؟؟؟
ليه اليتيم مُولى عناية خاصة فى ديننا العظيم ؟!!! دعوة واضحة وصريحة ، مؤكدة بالنفى والإستثناء فى سورة الضحى { وأما اليتيم ،.... ماله يارب اليتيم ؟؟؟ فلا تقهر .
قال رسول الله صل الله عليه وسلم : { وأتقوا الله فى الضعيفين : قِيل ومن هما الضعيفين يا رسول الله ؟!!! قال : اليتيم والمرآة } مش بس عشان أشرف خلق الله صل الله عليه وعلى اله وصحبه وسلم كان يتيم .
لأ اليتيم نفسيته هشه ، مهما كبر صغير ، مهما قوى ضعيف ، مهما تجبر مكسور … وعلى الرغم من كدة عنده عزة نفس وكبرياء رهيب . مستحيل يبين صغر نفسه ، أو ضعفه ، أو كسره قدام حد . أو أن ده بالنسبة له جرح وإهانة !!!
الشاب اليتيم عايز يحس برجولته طول الوقت . دايما فى حاجة نقصاه ، دايما مفتقد لشئ ما … لو كانت عنده الدنيا كلها هو عايز أكتر . عايز حب وحنان كبير وكبير جدااااااا . عايز تعامل مختلف ونفسية مختلفة . عايز إستيعاب وإحتواء وسعة صدر ودماسة خلق وحِلم ورجاحة عقل ، سرعة بديهة ، رحمة و… ،… عايز حاجات كتير وكتير أوى .
اليتيم بخلاف الناس كلها ، محتاج اللى يشتريه . ومش شراء مادى بس لأ معنوى كمان . وده معنى حديث الرسول _ صل الله عليه وعلى اله وصحبه وسلم _ { أنا وكافل اليتيم كهاتين فى الجنة وأشار بأصباعيه السبابة والوسطى } .
يبنى فيه اللى دايما مهدود . دايما يقويه ويشد بآزره . يساعده على إثبات ذاته وتحقيق طموحه . الرسول _ عليه أفضل الصلاة والسلام _ لما إنقطع عنه جبريل _ عليه السلام _ فترة طويلة بالوحى الشيطان وسوسله أن ربنا سبحانه وتعالى نساه فالرسول حزن …
فجاء جبريل _ عليه السلام _ هذة المرة بالوحى اللى فيه أعظم وأجمل رسالة للجبر بالخاطر . { سورة الضحى } اللى مستحيل أى حد يسمعها أو يقرأها ويتدبر فى معانيها ويحس بخوف أو هم أو غم أو قلق أو ،…
( والضحى والليل إذا سجى ) بأقسملك يا محمد بوقتين محببين جدااااااا إلىّ . وقت الضحى اللى هو بعد الفجر ( النهار الفعلى ) والليل إذا سجى وقت دخول الليل ( إختلاط الخيط الأبيض بالخيط الأسود ) هى دى الحياة ( شروق وغروب )
( ما ودعك ربك وما قلى ) لا سبتك ولا أتخليت عنك . ( ولا الأخرى خير لك من الأولى ) متتعلقش بالدنيا دى لأنها دار زوال . الوعد اللى أنا شايلهولك فى الأخرة ( دار البقاء والخلود ) أحسن ( ولسوف يعطيك ربك فترضى ) هيعطيك ويرزقك مش كدة وبس لأ ده هيرضيك ويطمن نفسك كمان بعطاءه .
بفكرك بالذكر الجميل اللى يطمنك ، ويخليك تتفائل بالخير اللى هتجده . ( ألم يجدك يتيماً فآوى ) مش أنت كنت يتيم وأنا بعتلك ( السيدة خديجة بنت خويلد ) أعزتك بمالها وحبها وكانت لك المآوى والسكن ؟!!!
( ألم يجدك ضالا فهدى ) مش أنت كنت تاية وأنا هديتك للإسلام ؟!!! ( ألم يجدك عائلا فأغنى ) مش أنت كنت من كفالة جدك لكفالة عمك وأنا أغنيتك وبقيت صاحب أموال وتجارة ؟!!!
ودى حاجات أنا حققتهالك وصدقت بوعدى فيها من غير ما تطلبها . فما تشكش بصدق وعدى لك مهما حصل . مُطالب بثلاث أشياء يا محمد ( فأما اليتيم فلا تقهر ) متقهرش يتيم عشان أنت دوقت مرارة وذل اليتم .
( وأما السائل فلا تنهر ) ما يجيلكش سائل يسألك على شئ وترده بإستكبار أو إستعلاء لو مش هتقدر تقضيله حاجته ، تصرفه بالحسنى . ( وأما بنعمة ربك فحدث ) النعمة والنعمة بس اللى تتكلم عنها وتعرف للناس أفضالى وكرمى عليك . النقم والأبتلاءات دى بينك وبينى . مش مجال لحديث .
#سمر_إسماعيل
#الفقيرة_إلى_الله
( دخولى فى علم التفسير من باب الإجتهاد وإعمال العقل { وقل ما أوتيتم من العلم الا قليلا } وقليلا جدااااااا كمان دائما أبدااااااا #الحمد_لله_الذى_هدانى_لهذا_وما
#كنت_لأهتدى_لولا_أن_هدانى_الله
ياريت أكون قدرت أقدم شئ بسيط من الإفادة ، جعله الله لى وإياكم فى ميزان حسناتى يوم أن ألقاه )
ليه اليتيم مُولى عناية خاصة فى ديننا العظيم ؟!!! دعوة واضحة وصريحة ، مؤكدة بالنفى والإستثناء فى سورة الضحى { وأما اليتيم ،.... ماله يارب اليتيم ؟؟؟ فلا تقهر .
قال رسول الله صل الله عليه وسلم : { وأتقوا الله فى الضعيفين : قِيل ومن هما الضعيفين يا رسول الله ؟!!! قال : اليتيم والمرآة } مش بس عشان أشرف خلق الله صل الله عليه وعلى اله وصحبه وسلم كان يتيم .
لأ اليتيم نفسيته هشه ، مهما كبر صغير ، مهما قوى ضعيف ، مهما تجبر مكسور … وعلى الرغم من كدة عنده عزة نفس وكبرياء رهيب . مستحيل يبين صغر نفسه ، أو ضعفه ، أو كسره قدام حد . أو أن ده بالنسبة له جرح وإهانة !!!
الشاب اليتيم عايز يحس برجولته طول الوقت . دايما فى حاجة نقصاه ، دايما مفتقد لشئ ما … لو كانت عنده الدنيا كلها هو عايز أكتر . عايز حب وحنان كبير وكبير جدااااااا . عايز تعامل مختلف ونفسية مختلفة . عايز إستيعاب وإحتواء وسعة صدر ودماسة خلق وحِلم ورجاحة عقل ، سرعة بديهة ، رحمة و… ،… عايز حاجات كتير وكتير أوى .
اليتيم بخلاف الناس كلها ، محتاج اللى يشتريه . ومش شراء مادى بس لأ معنوى كمان . وده معنى حديث الرسول _ صل الله عليه وعلى اله وصحبه وسلم _ { أنا وكافل اليتيم كهاتين فى الجنة وأشار بأصباعيه السبابة والوسطى } .
يبنى فيه اللى دايما مهدود . دايما يقويه ويشد بآزره . يساعده على إثبات ذاته وتحقيق طموحه . الرسول _ عليه أفضل الصلاة والسلام _ لما إنقطع عنه جبريل _ عليه السلام _ فترة طويلة بالوحى الشيطان وسوسله أن ربنا سبحانه وتعالى نساه فالرسول حزن …
فجاء جبريل _ عليه السلام _ هذة المرة بالوحى اللى فيه أعظم وأجمل رسالة للجبر بالخاطر . { سورة الضحى } اللى مستحيل أى حد يسمعها أو يقرأها ويتدبر فى معانيها ويحس بخوف أو هم أو غم أو قلق أو ،…
( والضحى والليل إذا سجى ) بأقسملك يا محمد بوقتين محببين جدااااااا إلىّ . وقت الضحى اللى هو بعد الفجر ( النهار الفعلى ) والليل إذا سجى وقت دخول الليل ( إختلاط الخيط الأبيض بالخيط الأسود ) هى دى الحياة ( شروق وغروب )
( ما ودعك ربك وما قلى ) لا سبتك ولا أتخليت عنك . ( ولا الأخرى خير لك من الأولى ) متتعلقش بالدنيا دى لأنها دار زوال . الوعد اللى أنا شايلهولك فى الأخرة ( دار البقاء والخلود ) أحسن ( ولسوف يعطيك ربك فترضى ) هيعطيك ويرزقك مش كدة وبس لأ ده هيرضيك ويطمن نفسك كمان بعطاءه .
بفكرك بالذكر الجميل اللى يطمنك ، ويخليك تتفائل بالخير اللى هتجده . ( ألم يجدك يتيماً فآوى ) مش أنت كنت يتيم وأنا بعتلك ( السيدة خديجة بنت خويلد ) أعزتك بمالها وحبها وكانت لك المآوى والسكن ؟!!!
( ألم يجدك ضالا فهدى ) مش أنت كنت تاية وأنا هديتك للإسلام ؟!!! ( ألم يجدك عائلا فأغنى ) مش أنت كنت من كفالة جدك لكفالة عمك وأنا أغنيتك وبقيت صاحب أموال وتجارة ؟!!!
ودى حاجات أنا حققتهالك وصدقت بوعدى فيها من غير ما تطلبها . فما تشكش بصدق وعدى لك مهما حصل . مُطالب بثلاث أشياء يا محمد ( فأما اليتيم فلا تقهر ) متقهرش يتيم عشان أنت دوقت مرارة وذل اليتم .
( وأما السائل فلا تنهر ) ما يجيلكش سائل يسألك على شئ وترده بإستكبار أو إستعلاء لو مش هتقدر تقضيله حاجته ، تصرفه بالحسنى . ( وأما بنعمة ربك فحدث ) النعمة والنعمة بس اللى تتكلم عنها وتعرف للناس أفضالى وكرمى عليك . النقم والأبتلاءات دى بينك وبينى . مش مجال لحديث .
#سمر_إسماعيل
#الفقيرة_إلى_الله
( دخولى فى علم التفسير من باب الإجتهاد وإعمال العقل { وقل ما أوتيتم من العلم الا قليلا } وقليلا جدااااااا كمان دائما أبدااااااا #الحمد_لله_الذى_هدانى_لهذا_وما
#كنت_لأهتدى_لولا_أن_هدانى_الله
ياريت أكون قدرت أقدم شئ بسيط من الإفادة ، جعله الله لى وإياكم فى ميزان حسناتى يوم أن ألقاه )
ليست هناك تعليقات:
إرسال تعليق