قصة حياه
بسمة أمل شقت طريقها ما بين دموع
في عيون بريئة لطفلة عايشة في خوف وجوع
تحلم في يوم يحميها بيت ....أربع حيطان
لكن المكان أرض الوطن...نقطة نزاع
القدس هي أرضها ...والأقصى يجري في دمها
تصرخ تقول يا ناس حرام ...بيتنا الجميل أصبح حطام
وعدونا غدار خسيس....مصاص دماء ....والدم عنده شيء رخيص
بيعيش ويقوى عالدموع ....في عيون لأم ضناها مات
وآهات لإبن نطق الشهادة ما بين ايدين امه وأبوه
كان ذنبه ايه ...وبدرى ليه بيكفنوه
وأخته البريئه تهز ايده وتبتسم....وتقوله قوم بكفاية نوم
مش كنت هنبني بيت....عالرمله نرسم حلمنا ونوصله لفوق الغيوم
وتهزه ايده بصوت حزين .... وتقوله يلا بلاش كسل ...من غيرك انت أشكي لمين
وتبص في عيون أمها تلاقيها مليانه بدموع ....وأبوها باصص للسما في حالة خشوع
تفهم ساعتها بإنه مات ....سافر وراح لمكان بعيد
وتقول يا رب أطلعله فوق ..وأفضل معاه في بيتنا الكبير
عندك يا رب أحسن كتير....من غير رصاص ولا ضرب نار
من غير خراب من غير دمار
من غير ما أخاف من غير ما أجوع ...من غير ألم من غير دموع
وبينتهى المشهد بصوت....ألم وخوف وآهات وموت
وأمل فى بكره يكون أمان....من غير عدو غدار جبان
الاسم : هبه مصطفى
البلد : مصر
ليست هناك تعليقات:
إرسال تعليق