هو
مكتوب عليا قلت النوم
أقوم من نومي قبل النور
ازاي اروح الشغل
من غير حتى فطور
والست نايمه ولا داريه
وعامله السرير حنتور
قومي يا هانم فزي
انت مش متجوزه طرطور
قومي يالا قوام إجري
اتجري والا لازم منشور
شوفي يالا قوام شغلك
عاوز الجزمه تلمع بلور
وهدومي تتكوى فوراً
مالقيش فيها أي كسور
خافي اتهور عليكي
مطلعنيش عن الشعور
يابت قومي إحمدي ربك
دانت متجوزه واحد مشهور
هي
لازم تهدى وتتواضع
يا حبيبي ليه الغرور
إهدى على نفسك
خلي الطابق مستور
متخرجنيش عن شعوري
روحي وصلت منك للزور
كل يوم شخط ونطر
لا بقى يا أمور
هفرشلك الملاية
واخليلك في الحارة
فعلاً مشهور
أنا مش خدامتك
ومتعلقه ف ساقيه
أنا مش ثور
أنا بني آدمه
وليا يا حلو شعور
أفضل احسس عليك
وأداديك وأنت تتنمرد
لا بقى يا غندور
لا وتقولي أجي ألاقيكي
زي بنات الحور
إشي لبس وإكسسوار
ومتنسيش العطور
النبي تتلهي
حس على دمك
بإيه كدا فخور
وأنت مضيقها عليا
وباصرف زي عصفور
مفكر نفسك مفيش منك
وكانك مسكني قصور
روح كدا جاتك وكسه
داانت انقرضت من عصور
#هنائيات
#هناء_الغمري
ليست هناك تعليقات:
إرسال تعليق