جاى يقولى ،،،
بدون أسباب ...
سمر أنا مش كداب …
كل أما تسألينى بقولك …
أن أحنا أصحاب …
عادى بنتكلم …
بنضحك ، بنسلم …
مبيأثرش فينا غياب …
كنت لما بقولك عايزك …
بتيجى تجرى فرحانة …
لا لوم ولا عتاب …
مادتكيش أى كلمة …
تواربلك للحب الباب
انا أسفة ، انا الغلطانة ...
انا الندمانة ومعترفة …
بس ندمانة على القلب ،،
اللى حبك وأحتاجك …
ندمانة أنى سيبت ،،
نفسى لمزاجك …
مكنتش زفت …
كنت بدارى وجعى
وألمى لجل الطوبة تحس
فضلت أمشى …
وأنت بتقولى …
محبتكيش …
وأن أحنا وبس يدوب أصحاب
أنت واعى للى أنت بتقوله
وطيفك اللى كان
بيفضل جمبى يحرسنى
الليل بطوله ؟؟؟؟
يعنى أنا بالنسبة لك
زي زى أى حد ؟؟؟
وأهتمامك ، عطفك وحنانك
ده مكنش بجد ؟؟؟
بتولع فيا ثورات الشك
وعايزها بسهولة
كدة تتفض ؟؟؟؟
هتنكر … أنكر …
لو تقدر …
بس متجيش …
تندم لما أتغير …
قولى وجودك جوايا ،،،
أكنه سراب …
حياتى من غيرك …
لا مر ولا عذاب …
طيب مادام كدة …
ليه مُصر نبقى اصحاب ؟!!
زيك زى شجر لبلاب !!!
مش عايز تخسر أى حاجة
لسه عايز تستغل
جبال من طيبة وسذاجة
مش شايف أنك ،،
أنانى بزيادة …
زى حلاوة السكر ...
فى فنجان ،،
القهوة السادة !!!
وأنا الجدعة …
ودايما رقبتى سدادة …
بس خلاص
معدش ينفع أدى
وأنا محتاجة
أقولك أنا رافضة ،،
وممتنعة ومعترضة …
ومش قابلة ،،،
نكون أصحاب …
أنا حرة …
يا اما أحباب …
يا أما أغراب …
وده الأحسن …
لأنى محبش ،،،
أحب شخص ببرودك …
ويستحسن ،،،
تبقى تمحينى ،،
فى وجودك …
يا جبروتك ؟!!!
بجد ياه … ياجبروتك ؟!!
غلطان وبتغلط ببجاحة …
شيفاك فى الجاية ،،
وفى الراحة …
صايم بتحاول ،،
بوقاحة …
بل الريق …
بس لعلمك ،،،
أنت لا هتبقى ليا ،،
حبيب ولا صديق …
ولا حتى عايزة أشوفك ،،
صدفة فى أى طريق ...
#سمر_الدسوقى
#عشق_لا_ينتهى
ليست هناك تعليقات:
إرسال تعليق