بقلم محمد بكر مشتهري
...
الناس أكلت وشي
الناس عارفين
وأنا طلعت معرفشي
يا ناس ياهووو
تعالوا بدالي
عيشوا مكاني
دايما طالعين فى البخت
لابيعجبكوا فوق ولا تحت
من أيام جحا وحماره
الراجل تعب من حاله
ركب عليه الناس لاموه
يا ناس ياهووو
حماره باعوا وجننتوه
الناس أكلت وشي
الناس عارفين
وأنا طلعت معرفشي
ياعم خليك فى حالك
لغيرك ليه شاغل بالك
فلان راح ....فلان مارحشي
بياكل فول ولا حتى محشي
ماهو قالها "وسوف " ؛
كلام الناس لابيقدم ولا يأخر
خليك وش كسوف
ياريت على غيرك ما تتشطر
الناس أكلت وشي
الناس عارفين
وأنا طلعت معرفشي
ياعم لاتغتاب ولا تنم
حسابك هايكون عسير
فى الأخرة النار هاتلم
فوق... وصحي الضمير
✍ محمد بكر مشتهري
ليست هناك تعليقات:
إرسال تعليق