الحلم الضايع

وفكرته حب حقيقى وحسيته حبيبى بجد أتاريها علاقة جميلة نشأت بين زميل وزميلة الزميلة بتحب المغامرة وهو عاشق ليها كانت قراءتها كتيرة وهو موسوعة فيها كانت بتحب اللغة وهو أستاذ فيها كانت جديدة على الكتابة وهو قديم فيها كانت تتمنى قربه لقته دايب فيها وماكنش يعرف إن أى محاولة على أوتارها ممكن تعمل لحن ولأن شريطها فاضى خالى من الألحان فكرت اللعبة حقيقة ودابت فى الأنغام وبعد ليالى طويلة فاقت من الأوهام أتاريها حبت خيال وصورة حلوة رسماها لواحد عادى يعنى ولأن خيالها واسع ماشافتش الفرق الشاسع مع أنه أصلاً كان بايع وآدى آخرة الحلم الضايع
منى ياسين