مهما وصفت الوجع
مش هوصل إحساسه بيه
عارف إيه هو العَجّز؟!
لما يتقال لك ملكش فيه
فتحس إنك عاجز
بتتفرج من بعيد
على اللي يناضل واللي يموت
واللي بيشتري كفن جديد
علشان يلحق بأهله
لكن بيرجع بيته وحيد
من وهو طفل بريء
عارف إيه قضيته
بيدافع عنها من صغره
وبيقوي فكرته
أهله يروحوا قدامه
وتنكسر فرحته
بس العزيمة وخداه
هيربح قضيته
مع السلامة يابا
اتكتبت شهيد
الله يسهل عليك
ابنك وراك حديد
كسروا قلبي وقهروني
لكن وعهد الله لأقهرهم
وزي ما قدروا ييتموني
بكرة أشوف كسرة في عينهم
هتوحشني يابا
وهيوحشني قوتك
عاوزك تنام مطمن
هنكمل قضيتك
لو قدروا يكتفونا
مسيرنا هنتفك
والقدس تتحرر
وترجع لأصحاب الحق
#كلمات
#إسراء_إبراهيم
#القدس
ليست هناك تعليقات:
إرسال تعليق