كتب:كريم المصرى.
زينات صدقي بدأت حياتها الفنية بعد انفصلها عن جوزها
الأول ایوه متستغربوش زینات مكنتش عانس زی الاشاعه ما
بتقول زينات اتجوزت وهي عندها 13 سنه من ابن عمها
وانفصلت عنه بعد سنه علشان كان بيعملها وحش وبعد فتره
من الانفصال انضمت لفرقه بديعة مصابني كمغنية وبعد
يوم من انضممها لمجميع الغناء بفرقه بدیعه عرضت عليها
بديعه تتعلم الرقص لكنها رفضت وقالتلها انها بتحب التمثيل
وفعلا ودتها للريحاني اللي اقتنع بيها وابتداء يديها أدوار في
فرقته ومن هنا كانت البدايه وبعد فتره من عملها بفرقه
الريحاني اتعرفت علي ظابط بالجيش المصري واتجوزته
ولكن اهله مكنوش يعرفوا وحصل مشاكل كتير لحد ما اطلقوا
وبالمناسبة الظابط ده كان من الظباط الأحرار واتولي منصب
كبير بعد كده لكنه رفضت تقول اسمه لانه كان حب عمرها
زينات كان ليها اخت وكان عندها 13 ولد وخلفت بنت
اسمها نادره زينات طلبت من اختها تاخد نادره تربیها
ووافقت اختها وفضلت نادره معاها لحد ما اتجوزت وخلفت
تؤام اسمهم طارق وعزه واعتبرتهم زينات أحفادها زينات
قعدت 23 سنه متشتغلش وكانت الضرایب حجزت على
بعض ممتلكاته وكان في الوقت ده بیتعرض عليها ادوار
مكنتش بتقبلها لكن بعد ضغط من احفادها وافقت علي اخر
دور قدمته في فيلم حكايه بنت اسمها محمود وكانت بترجع
من التصوير حزينه وتقول ده مش قيمتي ابدا وفضلت مكتئبه
بعده لحد ما اتوفت وزينات مدفنتش في مدافن صادقه لا
في مدفنها اللي طلبت انه يبقي مدفن للغلابه وطلبت المدفن
ده لكل الغلابة يهودي وقبطي ومسلم وكل اللي مالهوش
مكان يندفن فيه كانت انسانه جميله واخر حقيقه تعرفوها
مكنتش اميه كان معاها الابتدائيه وطلبت من معلمه فرنسيه
تعلمها الاتیکت وعزف البيانو وكانت بتجيد الفرنسية بطلاقه
زينات مكنتش مجرد ممثله كوميديه لا دی مدرسه في
التمثيل وكتير حاولوا يكون من ضمن مردسه وأسلوب زينات
صدقي ومفيش حد فينا مضحكش من قلبه بسبب زينات
صدقي
ليست هناك تعليقات:
إرسال تعليق