لما بفكر مع نفسى ليه المتنبى فى إدعائه المزعوم بالنبوة ذكر سيدنا صالح عليه السلام دون غيره من الرسل ؟؟؟؟
أنا فى أمه تداركها الله : غريب كصالح فى ثمود
ايه وجه الأختلاف بين سيدنا صالح عليه السلام وغيره من الأنبياء ؟؟؟
الحقيقة أن المتنبى متعمدش يشبه نفسه بسيدنا صالح زى ما قصد أنه يشبه قومه بثمود !!!!!!
1 _ ثمود كانوا من أكثر أقوام الأنبياء غرور وعزة بالأثم . عشان ثمود كانوا أهل علم وبناء وعمران فكانوا فاكرين أن مفيش على الأرض زيهم . مفيش أحسن منهم ، مفيش أعظم منهم ، أحنا وبس الأحسن والأعظم .
2 _ ثمود من أقوام الأنبياء عليهم السلام اللى أستعجلوا على أنفسهم العذاب فأستحقوه . من كتر التكذيب والتشكيك والأتهام الأثم لسيدنا صالح _ عليه السلام _ ماهم مش عارفين يبطلوا عليه حججه وبراهينه .
قالولوا : طب هاتلنا ناقة ومواصفاتها كذا وكذا وخرجها من الجدار !!!!!! بيعجزوه ويطلبوا مستحيلات _ عشان مش عايزين يصدقوه _ وهوا بردوا عارف كدبهم وعارف أنهم مش هيصدقوا بس بيعمل اللى عليه _ لو عمل غير كدة ميبقاش نبى _ لازم يآدى رسالته على أكمل وجة . قالولوا : طب لو أنت نبى بصحيح خلى ربك يعذبنا !!!!!
اه والله العظيم هم اللى قالولوا كدة .
لما الأنسان بياخده العنجهية والغرور والتكبر بيوصل معاه مداه ربنا بيطمس على عقله بالغباء _ اللهم أكفنا الشر والسوء _ وربنا بيمهله فرصة وأتنين وعشرة . عشان لما ينتقم منه يبقى أنتقامه شديد وحسابه عسير .
( الله يستهزئ بهم ويمدهم فى طغيانهم يعمهون ) { الأيه 15 سورة البقرة } يعمهون دى اللى أحنا بنسميها بالبلدى الأفترا . بيسيبه يفترى عشان يؤاخذه بظلمه وأفتراه .
نرجع مرجعنا للمتنبى ، أبو الطيب كان فعلا طيب مكنش فى غرور ولا عنجهية قومه . كان فى منتهى التواضع وجلد الذات !!!!! أزاااااااااااااااااى وأنتِ بتقووووووووووولى ايييييييييييييه ؟؟؟ ده شاعر الفخر الأوحد فى تاريخ الأدب العربى بلا منازع وعاااااااااااااااااااااااااا …
{ رحم الله أمرؤ عرف قدر نفسه } أنا وأنا بس دى دنيتى وده العالم اللى أنا عايش فيه مليش دعوة بحد وأنا أصلحهم وأحسن منهم كلهم . مش تكبر ولا غرور لا عن قناعة ربنا يرحمنا كلنا برحمته الواسعة نعرف قدر نفوسنا بس منشغلش نفسنا باللى حولينا وملناش فيه ( ندع الخلق للخالق ) و2019 حلوة و2020 كُخة ،…
نعيب زماننا والعيب فينا : وليس لزماننا عيب سوانا
#المتنبى
زمن ايه اللى بنعيب عليه منخلينا فى نفسنا ؟؟؟
قال رسول الله صل الله عليه وسلم فى الحديث القدسى عن رب العزة ( يؤذينى ابن أدم يسب الدهر وأنا الدهر أقلب الليل والنهار )
تخيلوا بقى يعنى يبقى أى عيل فى الشارع بيسب للأيام والعيشة واللى عيشينها ولما يجى واحد بتكلم عن نفسه الدنيا بتتشال وبتتهبد !!!!!!
أدينا بنشرب يا ثمود ،…
مش أحنا اللى أستدعينا غضبه ؟؟؟؟
عن علم أو عن جهل قولنا كلام كتير
مكنش ينفع يتقال !!!!
( وما يلفظ من قول الا لديه رقيب عتيد )
أعيذها نظرات منكم صائبة أن : تحسب الشحم فى من شحمه ورم ؟؟؟
مش ده المتنبى ؟؟؟ فى أغلب وأرق وأحن من كدة ؟؟؟
لما يعاتب ممدوحه ( سيف الدولة الحمدانى ) فيقوله : سلامة عنيك لما تفكر القوة فى اللى قوته مرض .
حبوا المتنبى يا جماعة . بعيداً عن التفكير السمج ، السطحى ، البزيئ اللى توارثناه _ عبر الأجيال _ عنه . لأنه فعلا _الله يرحمه _ كان يستاهل كل الحب . ربنا يرحمنا برحمته الواسعة وينجينا ويعديها على خير …
#عذرا_لتزاحم_أفكار_كتير_جدااااااا
#فى_دماغى_بيتداخل_الحديث
#فى_موضوعات_عدة
#سمر_إسماعيل
#عشق_لا_ينتهى
ليست هناك تعليقات:
إرسال تعليق