صفة من بين صفات كتير بتميزنى ، ويمكن كتير منكم ، أصدقائى المقربين لاحظها فيا ووصفنى بيها فى بعض المرات . بس مش هو ده السبب الوحيد الحقيقة اللى خلانى أختار الصفة دى عشان ألحقها بالهشتاج بتاعى فى بوستاتى هنا على الصفحة وحتى فى مقالاتى فى الصحف اللى أنا بكتب فيها .
السبب الرئيسى والمباشر لأختيارى الصفة دى هو أنى حابة نفسى فيها جدااااااا . حابة تكون صفتى المميزة ، كونى ، كيانى وتكوينى .
#الحالمة
فى أشد لحظات العصبية و الغضب ، بفتكر أنى أنا #الحالمة ، أنا اللى بملك نفسى مش هى اللى بتملكنى . أنا اللى بكظم غيظى وأعفى عن الناس وأتعامل دايما بإحسان عشان ربنا يحبنى .
أنا اللى فى أكتر أوقات الزعيق والنرفزة والصرع من كل اللى حواليا بتحلى بمزيج من الصبر والحكمة واللطف . بيبقى عليا حالة من هدوء الأعصاب والبشاشة والكيوتنس تجنن يا جدعان .
أنا اللى حابة أبقى كدة وأفضل كدة برغم ما أكابد فى ده من مشقة ومشقة عظيمة لا يعلم مداها الا الله ، بس ده من صفاته عز وجل اللى أنا بحب أقتدى بيها . هو الحليم وقيل فى الآثر ( الحلم سيد الأخلاق ) .
ربنا يقدرنى وأفضل كدة دايما #الحالمة . يارب يكون أختيار موفق ويحوز على رضاكم وأعجابكم .
#سمر_إسماعيل
#الحالمة
ليست هناك تعليقات:
إرسال تعليق