بتبدء الحكايات . من أول م نخلص شات . وتقولى سلام . أحلام ياما كتير أحلام . كلامنا مش زى أى كلام . أيموشن منك جه عفواً .
ولا ريأكت على رسالة كان سهواً . بيخطفنى لسنين قدام . بنجرى نكمل الأمثال . ويبقى دقيقنا من زيتنا . ونبقى لبعض بيت وعيال . أنت أبن حلال . بجناحى اهو بعملك بُردة . تعالالى وطير . صحى فى عيونى القدس بكلمة تصبحى على خير . شوف العزة فى غزة . وولع شمع للعدرا . زور حائط المبكى . وأحلم فيا بالتحرير . أنا الحرية اللى مسلوبة . أنا الفرحة اللى مغلوبة . أنا لكل أوجاع العرب دساتير . كل الكلام بقى مُر . كل الشعور بقى ذل . والعزم فينا كل يوم ينهار . وايه تانى فى القهر عاد يتقال ؟ بكينا الصبر ياما فى الموال . والغلب فينا غلبه التكرار . أمانة عليك تعالى نضيع . تعالى نغيب . تعالى نسيب . واقع بجد شنيع وضيع . هواك الغالى بياخدنى لمتعة ألذ من الأفلام . نعشق وندوب فى شوق وغرام . ونحب كتير . منحبش ليه ؟ بقولك ايه ؟ سيب بالى وتعالى فى قلبى خلينى أنام .
#سمر_إسماعيل
ليست هناك تعليقات:
إرسال تعليق