وردة مهانة بقلم منى ياسين

قالّي هجيبلك وردة جميلة فيها منك حاجات كتيرة رقتها ولونها وعودها حتى شوكــــــها قلت وماله عايزة أشوفها قالي تعالي معايا نجيبها رُحت معاه واختارها من وسط الكون نقاها وقالي شايفه لونها فى خدودك ورقتها فى عودك و..وكلام كتير ساعتها قاله بس ماسمعتش مجاله لما وقعت عينيا عليها مع بطاقته وبيبص فيها رميت الوردة ودوست عليها لما لقيت صورتها فيها قالى استني ده أنتي وأنتي أنتي حبيبتى ودايما أنتي قلت شبعت كلام مسموم قالي إذا كانوا في سمايا نجوم فأنتي في سمايا قمر مرسوم قلت شوف لك صورة غيري تكمل بيها الألبوم ومشيت وسيبته مع ذكرياته يمكن يلاقي فيهم حياته ومش زعلانة ولا ندمانة لإنى أختارت أكون إنسانة لا ترضى بذل ولا بإهانة